Dje ishte dhe afati i fundit i dorëzimit të listave për kandidatët e partive që do të garojnë për deputet në zgjedhjet e qershorit.
Ajo çka ra në sy ishte fakti se munguan figura të njohura kryesisht nga Partia Socialiste, por nga ana tjetër u panë edhe emra që për një mandat kanë ndryshuar disa parti. I tillë është rasti i Luan Duzhës, që do kandidojë sërish për deputet në qarkun e Elbasanit. Ai ka ndërruar jo pak, por 3 parti në 4 vjet.
Për herë të parë, Duzha u zgjodh deputet në zgjedhjet e vitit 2013, teksa kandidonte për Partinë Republikane. Por fill pas kësaj, ai ka pranuar ofertën e Metës për të kaluar me LSI. Dhe nga një deputet në opozitë nga PR, ai kaloi në mazhorancë si deputet i LSI. Vetëm pak kohë më pas, dhe atij i vjen një ofertë nga Edi Rama, të cilët ai nuk e refuzoi. Emri i tij, ditën e djeshme u shfaq në listën e PS për Qarkun e Elbasanit.